Жас сәулетшілер клубы (ЖСК)
ҚР СО жанындағы Жас сәулетшілер клубы – Қазақстан Республикасы Сәулетшілер Одағының және мүдделес кәсіби мамандардың қолдауымен ойлары бір жерде тоғысқан адамдарының бірегей шығармашылық тобы. Өз-өзін және айналасын жақсартуға, қаланың бір сарынды тіршілігін серпілтуге, сәулет өнеріндегі машықтарын дамытуға және жастардың шығармашылық белсенділігін жаңа деңгейге көтеруге деген қуат пен ұмтылыс – Жас сәулетшілер клубын алға жетелейтін және өсуге итермелейтін қозғалтқыш күш. Сәулет және өнер фестивальдерін, кәсіби кездесулер мен шеберлік сабақтарын, қалалық іс-шаралар мен жобаларды ұйымдастыру – бұл біздің қызметіміздің ауқымын жақсартуға және жетілдіруге серпін беретін дұрыс қадам.
Біздің міндетіміз – Қазақстан Республикасының сәулет өнері мен қала құрылысының дамуына және гүлденуіне елеулі үлес қоса алатын жан-жақты дамыған бәсекеге қабілетті шығармашылық жастардың басын қосу.
Мақсаттарымыз:
- Әр түрлі іс-шараларға, конкурстарға, тағылымдамалар мен тренингтерге қатыстыру арқылы жас сәулетші мамандар мен жоғары оқу орындарының студенттерінің кәсіби және шығармашылық дамуына ықпал ету;
- Жас сәулетшілер мен мамандардың идея-жобаларын іске асыру үшін жұмыс алаңын құру;
- Жас сәулетшілердің кәсіби дағдыларын дамытуға, оның ішінде кейін жобалау ұйымдарында жұмыс істеу үшін жағдай жасау.
ҚР СО Жас сәулетшілер клубы қызметінің бағыттары:
- Жас мамандарға шеберлік сабақтар, воркшоптар, шығармашылық конкурстар мен фестивальдар ұйымдастыру.
- Іс -шараны әзірлеу және ұйымдастыру (шараның тақырыбы мен тұжырымдамасын ұсыну, орны мен уақытын таңдау, ұйымдастыру мәселелерін шешу)
- Сөз сөйлеушілерді тарту және келіссөздер жүргізу
- Демеушілерді тарту және келіссөздер жүргізу
- Жас сәулетшілер мен студенттердің еліміздегі және шетелдегі сәулет конкурстарына қатысуына қолдау көрсету.
- Конкурстар туралы үнемі ақпараттандырып отыру
- Қатысу үшін қажетті құжаттар жинау бойынша кеңес беру
- Тәжірибелі сәулетшілердің кеңес беруін ұйымдастыру
- Тәжірибелі сәулетшілердің кеңестері мен қолдауын қоса алғанда, қалалық ортаны жақсарту бойынша жас мамандардың, студенттердің идеяларын насихаттау.
- Мамандандырылған оқу орындарымен өзара қарым-қатынас жүргізу (Қазақстан қалалары мен облыстарында) және бірлескен іс-шаралар өткізу.
Қатысушылар (ЖСК мүшелері):
Белгілі бір жұмыс түрлерімен айналысуға дайын және үйірме қызметіне белсенді қатысатын жас мамандар мен магистранттар.
ҚР СО Жас сәулетшілер клубы мүшелігінің артықшылықтары:
- ҚР СО ұйымдастыратын кәсіби оқыту мен дамыту іс-шараларына қатысу
- ҚР СО ұйымдастырған сәулет конкурстарына қатысу
- Жас сәулетшілер клубы мүшелері қалалық, республикалық және халықаралық жарыстарға қатысқан кезде ҚР СО-ның қолдауы
Жастар бірлестігіне қосылу үшін «KAZGOR» ЖА Жобалау орталығының бас сәулетшісі Антон Федянинге хабарласыңыз (Anton.Fedyanin@kazgor.kz, 8 (727) 279-93-47 (ішкі «139»)
